Friday, 14 August 2020 WasteServ kisbet żewġ ċertifikazzjonijiet ISO għall-impjant tat-Trattament tal-Iskart fil-Magħtab WasteServ Malta Ltd. bi pjacir tħabbar li kisbet żewġ ċertifikazzjonijiet ISO għal l-impjant tat-Trattament tal-Iskart li jinstab fil-Magħtab. ISO 9001: 2015 u ISO 14001: 2015 huma standards internazzjonali li jiddefinixxu l-kriterji għas-sistemi ta’ kwalità u għal ġestjoni ambjentali. L-ewwel standard jiggarantixxi servizz konsistenti li jissodisfa l-klijenti u effiċjenza operattiva. Filwaqt li t-tieni standard huwa mmirat sabiex itejjeb il-prestazzjoni ambjentali tal-WasteServ billi jiġi ikkontrollat l-impatt fuq l-ambjent. Malta North hija t-tielet faċilità tal-WasteServ li kisbet dawn iċ-ċertifikazzjonijiet ISO wara li digà kienu inkissbu għall-faċilitajiet li għandha l-Marsa u Tal-Kus f’Għawdex. WasteServ tixtieq tirringrazzja lill-impjegati tagħha għall-impenn kontinwu tagħhom sabiex jiżguraw l-ogħla standards possibbli fl-operat tagħha. Tweet