Contact Us

en Flag  mt Flag 

Ingħaqad magħna għall-Ġimgħa Ewropea għat-Tnaqqis tal-Iskart ta’ din is-sena li se ssir mit-18 sas-26 ta’ Novembru 2023. Din l-inizjattiva tiġbor flimkien skejjel, amministrazzjonijiet pubbliċi, kumpaniji, għaqdiet mhux governattivi, u ċittadini dedikati minn madwar l-Ewropa kollha magħqudin bl-istess għan: dak li jippromwovu attivitajiet li jqajjmu kuxjenza dwar ir-riżorsi sostenibbli u l-ġestjoni tal-iskart.


It-tema għal din is-sena hija l-Ippakkettjar!

Int u tippjana l-azzjoni tiegħek, ftakar li l-azzjoni mhux bilfors trid tkun marbuta ma’ din it-tema.  Tista’ tagħżel temi oħra marbuta mal-prinċipji tat-tnaqqis, l-użu mill-ġdid jew ir-riċiklaġġ tal-iskart. Iżda jekk tagħżel li tagħmel azzjoni dwar it-tema tal-iskart tal-Ippakkettjar, tkun tista’ tikkompeti ukoll fil-kategorija tal-Premju għall-Innovazzjoni.

Qed nfittxu ideat oriġinali li jilħqu ħafna nies u b’impatt fit-tul.  Idħol f’din il-ħolqa għal iktar ispirazzjoni.

Irreġistra l-azzjoni tiegħek!

 Premju ta' €1000 għal kull kategorija.

Ir-rebbieħa se jirċievu premju b’valur ta’ €1,000.

Iżda fil-kategorija dedikata lill-iskejjel se jkunu qed jiġu premjati l-aqwa tliet azzjonijiet. Din l-inizjattiva għandha l-għan li trawwem  prattiċi u valuri sostenibbli fost l-istudenti, u tħeġġiġhom isiru aġenti tal-bidla hekk kif qegħdin jassistu għal sostenibilità ambjentali fit-tul. Ir-rebbieħa f’din il-kategorija se jingħataw premjijiet li jvarjaw minn €1,000 sa €3,000.

Segwu il-paġna ta’ Facebook għall-aħħar aġġornamenti.


Dwar l-Awards

Kull sena, WasteServ tħabbar l-aqwa azzjonijiet tal-Ġimgħa Ewropea għat-Tnaqqis tal-Iskart waqt il-Malta Waste Reduction Awards!

Permezz ta’ azzjonijiet u proġetti immirati sabiex jitnaqqas, jerġa’ jintuża u jiġi riċiklat l-iskart, il-parteċipanti jikkomunikaw l-inizjattivi tagħhom sabiex titqajjem iktar kuxjenza. Is-sena li għaddiet kellna iktar minn 63 parteċipant. 

Il-finalisti jingħażlu minn panel ta’ esperti indipendenti, u r-rebbieħa jitħabbru waqt il-Malta Waste Reduction Awards. Kull azzjoni rebbieħa tirċievi fondi biex tgħin lill-parteċipanti fl-isforzi tagħhom biex inaqqsu l-iskart. Ir-rebbieħa jirrappreżentaw lil Malta fiċ-Ċerimonja Ewropea ta’ Premjazzjoni għat-Tnaqqis tal-Iskart, li tlaqqa’ l-aħjar parteċipanti fil-qasam, minn madwar l-Ewropa kollha.

Tinsiex tirrevedi r-Regoli tal-Parteċipazzjoni ta 2023 qabel ma tirreġistra.


Il-Malta Waste Reduction Awards 2023

Ir-rebbieħa tal-Malta Waste Reduction Awards tal-2023 tħabbru waqt ċerimonja ta’ premjazzjoni li saret fit-23 ta’ Mejju fil-lukanda Dolmen fil-Qawra. Dawn kienu r-rebbieħa:

  • Waste Reduction Award for best practice in Administration/Public Entities - Kunsill Lokali Kalkara
  • Waste Reduction Award for best practice in Associations/NGOs - Flimkien għal Ambjent Aħjar
  • Waste Reduction Award for best practice in Business/Industry - PARASCANDALO
  • Waste Reduction Award for best practice in Educational Establishments - St Nicholas College Dingli Secondary School
  • Waste Reduction Award for best practice by Individual Citizens - Ciangura Family 
  • Waste Reduction Award for Most Innovative Initiative - Martina Caruan
  • Waste Reduction Award for best practice in a Clean-up - Kunsill Reġjonali Lvant

Prosit lill-parteċipanti kollha u awguri lir-rebbieħa!

Jekk kont parti mill-edizzjoni tas-sena l-oħra dwar it-Tessuti Sostenibbli u Ċirkolari, tista’ tniżżel iċ-ċertifikat diġitali personalizzat tiegħek mis-Segretarjat tal-EWWR.

WasteServ Malta Ltd
ECOHIVE Complex, Tul il-Kosta, Naxxar NXR9030

+356 80072200