Lokalitajiet

Skart minn entitajiet kummerċjali jista’ jiġi aċċettat fiċ-Ċentri għall-Iskart Goff ta’ Ħal Far, Ta’ Qali u Tal-Kus (fix-Xewkija, Għawdex). Dawn jiftħu mit-Tnejn sal-Ħadd, inkluż festi pubbliċi, bejn is-7.30a.m. u l-5.30p.m. (barra l-Milied u l-Ewwel tas-Sena).

Kif taħdem?

L-aċċess jiddependi mill-kategorija tal-vettura tiegħek:

Vetturi f’dawn it-tlett kategoriji biss huma permessi jidħlu fiċ-Ċentri għall-Iskart Goff. Il-permessi jistgħu jinkisbu miċ-Ċentri għall-Iskart Goff, billi ċċempel minn qabel lil Customer Care fuq 8007 2200 jew billi timtela din il-formola. 

Għal rimi ta’ materjal la darba l-permessi tad-dħul b’xejn jintużaw, hekk kif diġà spjegat, il-ħlasijiet jiġu kkalkulati abbażi tal-piż u t-tip ta’ skart. Jekk ikunu qed jintremew tipi differenti ta’ materjali, l-klijent irid jiżgura li kull materjal ikun separat, peress li dawn iridu jintiżnu individwalment biex jiġi kkalkulat il-ħlas rispettiv skont l-istruttura t’ hawn taħt. Kull materjal għandu mbagħad jintrema normali fil-kontenitur rispettiv.

* Ir-rati huma għal kull 100kg u huma suġġetti għall-VAT.

Il-pagamenti jistgħu jsiru permezz ta’ flus kontanti, kard, jew ċekk (għal ammonti ta’ aktar minn €20).

Qabel iżżur iċ-Ċentri

• L-iskart għandu jiġi sseparat u magħżul minn qabel.
• Dħul fiċ-Ċentri għall-Iskart Goff huwa permess biss b’vettura.
• Ilbies b’viżibilità għolja u żraben tas-sigurtà huma mandatorji.
• Jekk għandek bżonn gwida, jekk jogħġbok kellem lill-impjegati taċ-Ċentru għall-Iskart Goff.

X’naċċettaw

Skart Riċiklabbli

• Plastik aċċettat jinkludi: PET, HDPE, PP, PS
• Kartun
• Karta
• Kontenituri tal-metall
• Fliexken u vażetti tal-ħġieġ

Ħġieġ Ċatt  

• Ħġieġ tal-aperturi
• Ħġieġ iżolanti (insulating glass)

Tessuti

• Twapet imqattgħin jew imtebbgħin 
• Tessuti imqattgħin jew imtebbgħin bħal ħwejjeġ, lożor, purtieri u xugamani

Injam

• Pallets tal-injam
• Biċċiet tal-injam
• Għamara

Saqqijiet 

• Saqqijiet ta’ kwalunkwe daqs u tip
  

Ġipsum*

• Bords tal-ġibs 
• Pannelli tal-ġibs

Expanded Polystyrene

• EPS tal-ippakkjar 
• Ippakkjar għall-mili tal-vojt (karawett għall-ippakkjar)

Iċ-Ċentri għall-Iskart Goff ma jaċċettawx skart organiku jew skart imħallat. Skart elettroniku (WEEE), tajers, u skart tal-kostruzzjoni minn entitajiet kummerċjali wkoll mhumiex aċċettati.

Għal aktar informazzjoni dwar kif tiddisponi minn dawn it-tipi ta’ skart, tista’ ċċempel fuq Freephone 8007200, tibgħat email fuq wao.ws@wsm.com.mt,  jew tirreferi għat-taqsima Rimi ta' Skart Kummerċjali għal iktar gwida.